တကယ်တော့ ကျနော်ကဟင်းသိပ်ချက်တဲ့လူမဟုတ်ပါ။ နိစ္စဓူဝ အစားအသောက်စားရမှာချက်ရမှာကို ပျင်းတဲ့အထဲမှာပါပါတယ်။ အပြင်တွေဘာတွေလဲ သိပ်ထွက်စားလေ့မရှိပါ။ ဒါပေမဲ့တခါတလေ ရှားရှားပါးပါးအချိန်တခုမှာ စားနေကျချက်နေကျမဟုတ်တဲ့ အထူးအဆန်းဟင်းတွေချက်စားဖို့တော့ဝါသနာပါပြန်ပါတယ်။
အခုတလောဘိစတိတ်စားချင်စိတ်ကအရမ်းဓာတ်ကျနေတယ်။ ဆိုင်မှာသွားစားဖို့ကျတော့ အစားတစ်လုပ်အတွက်နဲ့ ရန်ကုန်မြို့ရဲ့လမ်းကြပ်ကြပ်ကိုကားမောင်းမသွားချင်။ ဒါနဲ့အိမ်မှာပဲချက်တော့မယ်ဆိုပြီး အင်တာနက်ကိုမွှေပါတယ်။
ဘိစတိတ်ချက်ဖို့အတွက် အရင်ဆုံးအမဲသား/ ဆိတ်သားမိုးခိုသားဝယ်ပါ။ ကျနော်ကတော့ ဈေးသိမ်းခါနီးမှသွားတဲ့အတွက် အရွတ်တွေပါတဲ့အသားပဲရပါတော့တယ်။ ပြီးရင်စီးတီးမတ်ကနေ ဝိုင်နီဝယ်ပါ။ ကျနော်ကတော့ စီးတီးမတ်သွားချိန်မရှိတော့လို့ စပိုင်အနီရောင်ပဲဝယ်လိုက်ပါတယ်။ ပြီးတော့ထောပတ်လိုပါမယ်။ သံဗူးနဲ့လာတဲ့ထောပတ်ကကောင်းပေမယ့် အိမ်မှာဒါမျိုးတွေစားတာ ကိုယ်တစ်ယောက်ပဲရှိတဲ့အတွက် မိုးချယ်ရီထောပတ်ဘူးသေးလေးတစ်ဗူးပဲဝယ်လိုက်ပါတယ်။ အဲ့ဒါကလည်းလွန်ခဲ့တဲ့တစ်လလောက်ကဝယ်ထားတာပါ။ ပြီးရင် Kraft တံဆိပ် Barbecue sauce တစ်ဗူးဝယ်ပါ။
အိမ်ရောက်ရင်ဝယ်လာတဲ့အမဲသားတွေကို တုံးရပါမယ်။ ပုံမှန်ဆိုင်မှာသွားစားရင် စတိတ်တစ်တုံးဟာလက်သီးဆုပ်လောက်ကြီးပါတယ်။ အိမ်မှာစားမှာဖြစ်တဲ့အတွက်အတုံးသေးတုံးပါ။ ပြီးရင်ဇလုံထဲကို အမဲသားထည့်၊ ပြီးရင်ဝိုင်ကို ပုလင်းတစ်ဝက်လောက်ထည့်၊ ကြက်သွန်သုံးလေးခုလောက်ထောင်းပြီးသားပစ်ထည့်၊ barbecue sauce နည်းနည်းထည့်၊ အားလုံးကိုရောမွှေ၊ အဖုံးအုပ်ပြီး တညလုံးနှပ်ထားပါ။
မနက်ရောက်တဲ့အခါချက်ပါတော့မယ်။ ချက်နည်းအမှန်ကတော့ Grill pan ဒါမှမဟုတ် အကင်စက်လိုပါတယ်။ အဲ့ဒါလည်းတစ်ခုမှမရှိတဲ့အတွက် ရိုးရိုးဒယ်အိုးကို ဂတ်စ်မီးဖိုပေါ်တင်ပြီး အပူပေးပါတယ်။ ထောပတ်သုတ်ပါတယ်။ ပြီးတော့နှပ်ထားတဲ့အမဲသားတွေကို ဒယ်အိုးထဲထည့်ပြီးကင်ပါ။
ကျက်လောက်ပြီထင်တဲ့အခါအသားတွေကို ဆယ်ထားပါ။ ထောပတ်နံ့လေး၊ ဝိုင်နံ့လေးမွှေးနေပါလိမ့်မယ်။ ပြီးရင်ဒယ်အိုးထဲ ဆီနည်းနည်း၊ထောပတ်နည်းနည်းထည့်၊ ကြက်သွန်ဖြူလေးနည်းနည်းထည့်ပြီးဆီသတ်ပါ။ ပြီးရင်ခုနကကင်ထားတဲ့အမဲသားကိုထည့်ပါ။ ချက်နည်းအမှန်ကတော့ သံလွန်ဆီကိုသုံးခိုင်းပါတယ်။ ထုံးစံအတိုင်းမရှိတဲ့အတွက် သုံးနေကျနေကြာဆီကိုပဲသုံးပါတယ်။ ပြီးတော့ Thyme ဆိုတဲ့အရွက်ကိုလဲထည့်ခိုင်းပါတယ်။ မြန်မာလိုတော့ဘယ်လိုခေါ်လဲသေချာမသိပါ။ စမုန်ဖြူလို့တချို့ကပြောပါတယ်။ မသေချာပါ။ စီးတီးမတ်မှာ ဗူးလေးတွေနဲ့ရောင်းတတ်ပါတယ်။ အဲ့ဒါလေးလဲထည့်ပြီး လုံးလိုက်ပါ။ အနံ့လေးတွေမွှေးလာပြီဆိုရင်တော့ ချပြီးသုံးဆောင်လို့ရပါပြီ။
ဘိစတိတ်ကင်တဲ့နေရာမှာ အသားကျက်မကျက်၊ ကောင်းမကောင်းသတ်မှတ်တဲ့အဆင့်တွေရှိပါတယ်။
Blue - အပြင်ကကျက်နေပြီး အထဲကမကျက်
Rare - အတွင်းအသားက အနီရောင်ပြောင်း (Beefsteak သရဲတွေကတော့ Rare မှ Rare လို့ပြောကြပါတယ်)
Medium rare - အပြင်ကကျွတ်၊ညိုနေပြီး အတွင်းမှာနီ၊ (Rare လောက်မနီတော့ပါ)
Medium - အပြင်မှာအညို အတွင်းသားပန်းရောင် (တော်တော်ကျက်နေပါပြီ)
Medium well - အပြင်ကအညိုတွေပိုများ အလယ်သားကပန်းရောင်
Well done - အသားတွေအကုန် ညိုသွား (လုံးဝအကျက်)
ဘယ်ဟာကောင်းမကောင်းကတော့ ကိုယ့်အကြိုက်နဲ့ကိုယ်ပါပဲ။ မြန်မာအကြိုက်ကတော့ လုံးဝအကျက် well done ပဲဖြစ်မယ်ထင်ပါတယ်။
ပုံကတော့ ချက်ထားတဲ့ဟင်းပုံကမလှလို့ စီးတီးမတ်ကရှာလို့ရတဲ့ Thyme အရွက်ဗူးပုံလေးပဲတင်လိုက်ပါတယ်။
